Review: Batiste Dry Shampoo| مراجعة: الشامبو الجاف من باتيست

السلام عليكم ورحمة الله وبركاته

كيفكم؟ ان شاء الله بصحة وعافية..

تدوينة اليوم لمنتج من منتجات الشعر، وسمعنا عنه بالفترة الاخيرة..

اللي هو الدراي شامبو أو بالعربي الشامبو الجاف..

قبل لا اتكلم عن تجربتي ورأيي فيه خلونا نتكلم عن الفكرة بشكل عام..

ايش هو الشامبو الجاف؟

الشامبو الجاف: هو عبارة عن بودرة داخل بخاخ،

وظيفتها: اخفاء الدهون الزائدة، +اضافة مظهر كثير للشعر،

ايش هي الدهون الزائدة؟ هي الدهون الي تكونين اليوم مغسلة شعرك او امس ودهن، يعني شعرك اساساً نظيف لكن فيه دهون زائدة مزعجة! 

في البداية اشتهرت الفكرة من ماركة باتيست، بعدها بدأت الماركات تنتج نفس الفكرة، مثل: دوف، صانصيلك، تريسمي وبانتين.. 

Share:

Empties #2| منتجات خلصتها، برجع اشتريها أو لا؟

السلام عليكم ورحمة الله وبركاته♥♥
كيفكم؟ إن شاء الله تكونون بألف خير، ومبارك عليكم الشهر ولو إنها متأخر♥♥

تدوينة اليوم عن منتجات خلصتها الفترة الي راحت،

وهل برجع اشتريها ولا لا؟ 

قسمت المنتجات ثلاث أقسام،

- للجسم

- للشعر

- للوجه

اولاً الجسم:

منتجات فازلين كلهم نفس الترطيب ونفس القوام لكن الاختلاف بالريحة،

وكمان الي بالكاكاو يختلف عنهم انه اثقل واقوى واحسه ما ينفع الا قبل النوم،

 من اليمين لوشن موحد صحي وآخر واحد العناية الاساسية حسيت كل الاثنين نفس الشيء،

ثاني واحد يمين بخاخ، ماشّ ما حبيت فكرته مرة لكن حلو للسفر وخفيف جداً ما كأنك حاطه شيء!

برجع أشتريهم أو لا؟ أكيد برجع اشتريهم عدا البخاخ لأني ما حبيت ترطيبه.

الي بعدها لوشن للجسم من جونسون الاختلاف بين الاثنين في الريحة بس،

خفيفة مرة مرة لكن حلوة وانا طالعة للدوام ما تبدق ويمتصها الجسم سريع سريع،

برجع اشتريها؟ إيه

كريمات الجسم، الثلاثة الي تحت من نيفيا مكتوب عليها للوجه والجسم لكن انا ما جربتها للوجه بس للجسم، حلوة ايه وترطيبها حلو لكن فيه بدائل أفضل لأني ما احب هذا التعليب،

برجع اشتريها؟ لا،

الي فوق من دوف، بخلاصة جوز الهند! صدمتني دوف صراحة ترطيبها حلو ومتوسط، وريحتها مقبولة يعني حسيتها تفرق عن غيرها،

برجع اشتريه؟ ليش لا ممكن.

Share: