السلام عليكم ورحمة الله وبركاته..
كيفكم؟ إن شاء الله بخير♥♥..
اليوم إن شاء الله بنشوف مع بعض فرش زويفا،
طلبتها من كم يوم من هذا المتجر Differentcolors بانستقرام،
بسعر 420 ريال،كلمتها في الليل وجتني اليوم الثاني في الليل،
المجموعة هذي هي مجموعة الروز قولد الفاخرة الاصدار الثاني،
فرش العيون فيها كاملة وهذا طلبي لأن ما عندي فرش عيون،
أما فرش الوجه فتقريباً هي مكملة للمجموعة اللي عندي،
الفرش البيضاء شعر طبيعي من شعر البقر او الماعز، وهي أفضل للمنتجات الكريمية،
الفرش البنية شعر طبيعي وهي أفضل للمنتجات الكريمية لأنها ما تمتص المنتج،
خلونا نشوفها مع بعض؛
..
وصلني الطلب في كيس سمسا (فيديكس) مغلق بشكل جيّد جداً
وهذا هو الطلب كان مغلف بزي الصندوق بلاستيكي ومكتوب عليه اسم المجموعة،
ومن ورا مكتوب اسماء الفرش وارقامها
لونها وردي ومكتوب عليها بالروز قولد زويفا،
الشنطة مرة حلو شكلها بس ما حسيتها مرة عملية،
من برا جلد وحسيته من النوع اللي يخرب شكله بسرعة،
السحاب زي ما تشوفون من النوع الكبير وكمان حسيته مو عملي مرة،
على نهايته اللوقو حقهم بالروز قولد شكله مرة حلو،
عموماً مع الاستخدام بتبين اذا عملية أو لا
أكثر شيء حبيتها من داخل حسيتها متينه وحلوة،
مكتوب عليها جملتهم CLOR. LOVE. MAKEUP
الشنطة جيّدة للميك اب والفرش
ننجي للفرش
وهذي الفرش داخل الشنطة
مغلفة مع بعض بكيس
هي عبارة عن ثلاثة فرش للوجه وخمسة للعين
الفرش عليها غلافين،
مغطاة بكيس ومن فوق غلاف ما اعرف خامته،
بس مرة مفيد ويحفظ الفرش وقت السفر احتفظوا فيه
اول فرش الوجه
هي كابوكي برش، شعرها صناعي
الكابوكي اللي يصير شعرها كثير ومرصوص،
هي نفس F80 من سيقما ومن زمان نفسي اجربها
مكتوب عليها buffer بمعنى عازلة،
واللي فهمته انها تعطيك طبقة كاملة وفل كفر
هذا شكل الفرشة من قريب شعرها كثير ومرصوص رص وعلى مستوى واحد
المسكة لونها وردي ومن خشب،
مكتوب عليها رقم الفرشة واسمها او وظيفتها،
ونهايتها مكتوب اسم الماركة زويفا
ومن ورا مكتوب عليها روز قولد
هذي الفرشة شعرها طبيعي،
مكتوب عليها cheek finish بمعنى المظهر النهائي للخد،
تنفع للبلاشر أو الهايلايتر او البرونز والكونتور
رقمها واسمها
الفرشة الاخيرة من فرش الوجه، شعرها طبيعي
هذا الشكل من الفرش مشهور انه للكونتور الباودر، وما ادري حسيتها ممكن تنفع للهايلات
تشبه ita من نارس وهي كمان من الفرش اللي كان مرة نفسي فيها
مكتوب عليها face paint بمعنى رسمة الوجه
رقمها واسمها
هذي اول فرش العين شعرها طبيعي،
اسمها smoky shader يعني للظل السموكي الثقيل الغامق،
هي مسطحة هي تنفع للجفن المتحرك ولأنها طبيعي أفضل للشادو الباودر
رقمها واسمها
هذي الفرشة شعرها صناعي وهي لشدو الجفن السفلي،
للأسف ما عرفت معنى اسمها
رقمها واسمها
شعرها طبيعي، فرشاة لدمج الظل على كسرة العين
اسمها crease اعتقد معناها كسرة العين
رقمها واسمها
هذي الفرشة شعرها صناعي،
فرشاة مشطوفة بس خفيف مو مرة
تستخدم لرسم الحواجب،
اسمها Brow Line بمعنى خط الحاجب
رقمها واسمها
آخر فرشة هي فرشة الايلاينر اللي هو الكحل على الجفن العلوي
مشطوفة ونحيفة مرة
اسمها wing liner معنى الايلاينر الممدود
رقمها واسمها
..
واخيراً هذي كانت كل الفرش في المجموعة،
فتحناها وشفناها مع بعض،
دائماً اسمع عليها مدح،
بإذن الله بستخدمها فترة واقولكم رأيي فيها♥♥
..
*أي سؤال ممكن تسأليني هنا أو في مواقع التواصل الإجتماعي من هنا.
*لا تنسين الإشتراك من هنا:
وششكككرراً♥♥♥♥.
No comments:
Post a Comment