السلام عليكم ورحمة الله وبركاته..
كيفكم؟ إن شاء الله طيبين
من كم اسبوع نزلت تدوينة عن حب الشباب،
تكلمت فيها عن حب الشباب وعن كيفية العلاج (للإطلاع هنا)،
واليوم إن بكلمكم عن الوقاية من حب الشباب،
وشوية كلام عن الميك اب..
إحنا دائماً بشراتنا معرضة للحبوب بكل وقت،
خصوصاً وقت الطلعات (الدوام)!
يعني مثلاً أنا ادوام في المدرسة، دايم أفكر كم شخص معاي هنا؟
في مكان شبه مغلق!
الي تعطس والي تكح واللي مريضة!
معقولة كل ذا الجراثيم بشرتي بتطلع سليمة؟
بالنسبة لي لا! خصوصاً إن بشرتي تتأثر بسرعة..
كنت دائماً اعتمد على الموية فقط!!
والموية مستحيل تشيل لك شيء، جداً مهم التنظيف العميق
لو تشوفون بشرتي الأول والحين الفرق مرة قوي،
لأني عرفت اهم سبب للمشكلة وهو الإهمال!
الموضوع جداً بسيط، مجرد عناية بالبشرة،
ولا تاخذينها على انها واجب ييطفش خذيها من باب التسلية وتدليع النفس!
بالنسبة لي أنا اغسل وجهي يومياً مرة وحدة بآلة أولاي كتبت عنها قبل (للاطلاع هنا)،
وروتين ليلي بسيط، بمنتجات رخيصة متواجدة في الصيدلية،
’،روتين العناية اليومية’،
أول ما ارجع من الدوام اغسل وجهي بالآلة مع غسول يومي مناسب (للإطلاع هنا)،
بالنسبة لاختيار الغسول انا جربت كثير لما لقيت اللي ناسبني،
حالياً استخدم بوندس ومرتاحة عليه ومرة في الاسبوع مقشر كلين اند كير..
والغسولات احس لازم تجربين كذا نوع لما تلقين اللي ترتاحين عليه..
انا احب اني دايم انوع كل فترة استخدم نوع،
ان شاء الله رح يكون في تدوينة مراجعة للغسولات اللي جربتها!
بعدها التونر ومو دائماً استخدم هذه الخطوة،
تونر بيكسي ما ناسبني، وحالياً استخدم غارنييه وهو عبارة عن ماء ميسيلار؛
أحس التونر خطوة مو مرة اساسية، مهمة للبنات اللي بشرتهم دهنية وعندهم مسام،
ومهمة بعد الميك اب بحيث يشيل كل الزايد ويقفل المسام؛
آخر شيء لو حسيت بشرتي جافة ارطب بشرتي، اذا لا اتركها، لأن هذا المرطب ما ينفع الا للبشرات الجافة، بالنسبة للبشرات الجافة ضروري الترطيب،
بالنسبة للماسكات استخدمها مرة في الاسبوع مرات فيه نتيجة كويسة وبعضها لا بس نضارة لفترة مؤقتة،
حالياً اللي عندي من دايسو بالفحم واشوفه جيّد وينظف كويس،
وغالباً استخدم من بيزلين او ذا فيس شوب..
’،روتين الليل’،
بالنسبة لروتين الليل أسويه يومياً قبل انام عدا يوم الجمعة اريح وجهي شوي،
- على الحبوب الحمراء احط كريم بينزاك تكلمت عنه في الجزء الأول (اضغطي هنا)
- واذا حسيت بشرتي جافة رطبتها بـQV
- ارطب تحت عيني بكريم نيفيا يرطب تحت العين ويخفف الهالات بشكل بسيط جداً
- أرطب شفايفي بـQV
وبس؛
وهذا كل شيء بالنسبة للعناية اليومية
الموضوع سهل وبسيط وما يحتاج شيء، ما فصلت كثير بالمنتجات لأن الغرض الأساسي هو اني اعرفكم بروتيني بشكل سريع؛
هذا الروتين اللي انا اسويه ممكن يناسبك ممكن لا
’،
الشيء الثاني هو كيف اعمل على وقاية بشرتي من الحبوب؟
بعض الاحيان فيه أشياء بسيطة احنا ما ننتبه لها هي تطلع لنا حبوب،
طيب زي إيش؟
بقولكم بعض النصائح اللي ممكن تساعدك على ان الحبوب تخف
- مفرش المخدة احرصي على تغيريه على الأقل مرة في الأسبوع! يعني كل اسبوع غسليه مرة، لأن الجراثيم تكون في وجهك تنزل على المفرش تتكاثر وتروح لبشرتك؛
- حاولي ما تلمسين وجهك بيدك وهي مو نظيفة؛
- لما تطلع لك حبة احذري تفقعينها او حتى تلمسينها نظيفها وحطي كريم وخلاص يدك لا؛
- تنشيف الوجه بالمنشفه ممكن يكون السبب، تمسحين وجهك يبقى فيها بلل يجمع الجراثيم وترجعين تمسحين وتنتقل لوجهك، استبدليها بالمناديل أفضل
*ايش فيني على الجراثيم؟*
- التغذية شيء اساسي، حاولي تخففين شوكولا لأنها غالباً تطلع حبوب اذا لازم مرة في الاسبوع بس يومياً ما ينفع!
- ومن الغذاء اللي صدمني انه ممكن يزيد الحبوب هي الألبان ومشتقاتها، ايش التفسير؟
السبب هو أن الحليب فيه هرمونات تشابه الموجوده بأجسامكم وتسبب الحبوب
سبب ثاني هو أن غالبية المزارعين يعطون الأبقار هرمونات صناعية لزيادة إفراز الحليب
هذا الهرمون اسمه IGF-1 موجود بالحليب و معروف أنه يطلع الحبوب!
- أخيراً والأهم، النظافة النظافة النظافة
هذا اللي تذكرته تقريباً واللي انا دائماً أحرص عليها
’،الميك اب’،
وأخيراً أكيد ما بنسى أتكلم عن الميك اب
أول شيء دائماً تأكدي إن الميك اب بأنواعه خفيف أو ثقيل بيتعب بشرتك وبيطلع لك حبوب، الا اذا نظفتي بشرتك كويس من الميك اب وتأكدتي ان وجهك صار نظيف ثقي ان بإذن الله ما بتطلع حبوب من الميك اب
بالنسبة لروتيني بإزالة الميك اب احس يبغاله تدوينة لحاله أفضل، وقريب إن شاء الله؛
الفاونديشن اللي مرة مرة ثقيل زي ايستي لاودر ودولتشي اند قابانا ابتعدي عن استخدامها بشكل يومي لأنها تكتم البشرة لساعات طويلة،
اذا بشرتك صافية بس شوية عيوب اكتفي بكونسيلر افضل او مرطب بلون أفضل لبشرتك، أو على الأقل فاونديشن تغطيته خفيفة؛
طيب أنا عندي حبوب كثيرة كيف أغطيها بالميك اب؟
شوفي فيديوز باليوتيوب
واكتبي بالبحث Acne Makeup
أو Acne coverage
My pale skin
من القنوات المشهورة بتغطية الحبوب بالميك اب،
وهذا أحد فيديوهاتها:
’،
وأخيراً حبيباتي اهديكم هذا الفيديو:
كوني انتي وحبي نفسك كيف ما كانت
ولا تسمحين لأحد إنه يقلل من مين ما كان إنه يقلل من ثقتك في نفسك’
’
أنا بشرتي مو قزازة ابداً لازال فيها بعض الحبات وبعض المشاكل..
لكن لما اقارنها بقبل لا اهتم الفرق مرة واضح!
شوية اهتمام بمنتجات بسيطة وكل شيء يضبط
عندك مشكلة؟ عادي شوي شوي تتعالج!
تبغين تحطين ميك اب حطي لنفسك واعتبريها متعه، ما تبغين مو لازم عادي انتي مو مضطرة تسوين شيء ما تبغينه عشان احد!
هذا كان كل شيء وأكثر ما يسعدني انكم تستفيدون،
أي سؤال أنا حاضرة في اي وقت،
تأكدوا اني حاولت أقول كل المعلومات اللي أعرفها
’،وأخيراً اعذروا لي تأخيري’،
شكراً وأشوفكم في تدوينة ثانية إن شاء الله
No comments:
Post a Comment