Before Makeup| ما قبل المكياج

السلام عليكم ورحمة الله وبركاته..

كيفكم؟ إن شاء الله كويسين♥♥!

 اليوم إن شاء الله التدوينة عن تهيئة بشرة الوجه قبل لا تحطين الميك اب..

وزي كل مرة أكيد مو أي شيء ناسبني يعني بيناسبك أنا بشرتي مختطلة ما بين تيزون دهني وخدود جافة..

وهذا الروتين ممكن تكون قبل الميك اب بساعتين عشان يمدي بشرتك تاخذ وقتها على ما تترطب وتهدأ وتتهيء..

بسم الله..

 أول شيء التقشير ما يكون لطيف مرة ولا يكون قوي مرة يكون وسط،

ليش نسوي تقشير؟ عشان نوخر الوصاخات المتراكمة والرؤوس السوداء البسيطة،

ونجدد البشرة، عشان الفاونديشن يلقى بشرة نظيفة بحيث يصير شكلة أنظف وأحسن،

اخترت هذا المقشر اللطيف من نيتروجينا ما أحسه ينفع استخدام يومي، حلو وينظف وما يجفف،

وطريقته هي: أول شيء تغسلين وجهك بموية دافية بعدين تحطين شوي على يدك وتوزيعه على أجزاء مختلفة من وجهك وتبدين تفركين بشكل خفيف على كامل وجهك لما يصير كأنه كذا رغوة، بعدين تشطفينه وتغسلين بموية باردة أهم شيء عشان تسكرين المسام وتعيدين بشرتك لوضعها الطبيعي؛

لو كانت بشرتك جافة ما بيجففها لك لما تتقشر.

 ..

الخطوة الثانية وهي أهم شيء تقشير الشفايف،

يا بنات هذي الخطوة جداً جداً مهمة والاحظ كثير ما يعرفون تقشير الشفايف،

يعطيك شفايف نظيفة موردة بدون قشور، يعني لو قشرتي باستمرار ودعي الروج،

هذا المقشر أنا اسويه في البيت عبارة عن: سكر، ليمون، عسل، وإذا حبيتوا اضيفوا مرطب؛

تحطينه شوي على شفايفك وتفكرين بلطف،

بعدها تغسلينه وتحطين المرطب اللي انتي حابته ولازم لازم ترطيب بعده على طول أنا استعمل حالياً QV، حسيته زي الفازلين بس أخف شوي حلو ويرطب وما يدبق وب27ريال.

 ..

 ثالث شيء ماسكات الوجه، خياراتك كثيرة ومتنوعة،

ليش نحط ماسك؟ أنا شفت فرق في الفاونديشن مرة كبير لما حطيت ماسك ولما لا،

يبين أنظف وأكثير حيوية وسهل الدمج،

هذي الماسكات ماهي معالجة بس تعطيك نظافة ونضارة ولمعة حيوية،

ونتيجتها مؤقتة يوم يومين بالكثير،

تحطينه لمدة 20 دقيقة تقريباً بعدين اذا من النوع اللي ينغسل تغسلينه بالموية الباردة إذا زي ماسكات The face shop عطته قماش على شكل الوجه وفيها المنتج تحطينه بعدين تشيلينه من غير لا تمسحين المنتج وتخلينه على وجهك لما يجف وبس؛

أنا هنا اخترت نوعين من الماسكات نيفيا تجي قطعتين مع بعض الوحده بالكثير صالحه لاستعمالين ب6 ريال، وماسك من ذا فيس شوب قطعة قماش وفيها المنتج تتراوح ما بين 12 إلى 20 ريال جداً جميلة وحبيتها وتخلي الميك اب على البشرة حلو ونضر.

..

بعدين أخر خطوة الكريم المرطب نقطة صغيرة منه كافية على المناطق الجافة،

حابة انوه على نقطة أنا دايم أشوف البنات يسألون عن أفضل مرطب للبشرة الدهنية ما يطلع حبوب،

طيب ليش؟؟ إذا انتي من ربي بشرتك مرطبة تحطين مرطب ليش؟

لا تقرين وتطبقين وبس!! لا لازم تعرفين بشرتك وإيش يناسبها!

ولو بحثتوا بتلاقون أكثر اطباء البشرة يرفضون مرطبات الوجه، أنا عن نفسي أحط نقطة بسيطة على خدودي لأنها جافة شوي وتتقشر مع كريم الأساس،

هنا أنا استخدمت QV حلو ولطيف ويرطب بعمق ونقطة منه تكفي والأهم ما فييه نسبة واقي فيناسب المناسبات المسائية لو بشرتك دهنية ترا بيطلع لك حبوب اعتقد ب59 ريال؛ حطيه قبل بوقف وخليه لما ينشف.

..

أخيراً واقي الشمس،

هذي الخطوة فقط لو كانت طلعتك صباحية ورح تتعرضين مباشرة للشمس،

بعد ما ينشف المرطب تحطين شوي من الواقي وتتركينه لما يجف وتمتصه البشرة وبعدين تبدئين بالميك اب،

هذا الواقي من نيتروجينا للبشرة الدهنية جاف تماماً نسبة الحماية فيه 45.

وبس♥♥♥♥.



*ممكن اللي يناسبني ما يناسبك أبداً.
*الاشتراك في المدونة من هنا:

لو عجبتك التدوينة لا تنسين التعليق والنشر♥♥♥♥..
شششكككرراً♥♥♥♥♥♥.

Share: